[فاصل شخصي]
هاك العام في El Space، تلمّينا مجموعة من الشباب وكل واحد كان مُطالب إنو يقدّم فكرة مشروع… واحد فينا بدا و قدّم الـ pitch متاع فكرتو إلّي اليوم ولاّت ستارت آب إسمها VSOBER.
[هات الصحيح]
البارح فرحت كيف سمعت علاء الدين بن طراد يحكي في برنامج Lucky Tech من تقديم نور شتارة في حلقة جديدة بيّنت قوة وفوائد الواقع الممتد. VSOBER في كلمتين هو حل جاء باش يعوّض نقصان مراكز إعادة التأهيل للمدمنين في تونس عن طريق تقديم حصص معالجة بتقنية الـ XR (Extended Reality). يعني باختصار المدمن ينجّم يلبس كاسك ويعيش مع الطبيب المختص حصص علاج بالصوت والصورة. والحل هذا مجاني!
كيفاش نتعلّم XR technology؟
علاء الدين يقوللكم باللي قوقل هو خير صديق تنجّم تعمّل عليه باش تتعلّم وخاصة Google Garage وزادا أشار لدرس مهمّ على coursera إسمو XR: How to Build AR and VR Apps وموقع Learn Unity إلي فيه برشا دروس يخليوك تتقن Unity.
خلاف هذا ركّز الضيف على ضرورة إتقان أساسيات تكوين بزنس باش تنجّم تبيع التطبيقات والمنتوجات إلّي تصنعها و « إدوّر الدولاب ».
كيفاش تلقى فرص متاع scholarships, internships or hackathons ؟
بحكم إلّي علاء الدين شارك في +30 هكاثون ينصحكم بـ 3 مواقع تنجموا تلقاو فيهم فرص عديدة
بالنسبة للكتب، فما 3 كتب يقترحهم عليكم منهم كتابو
وفي الختام، علاء الدين يأكّد على أهمّية الغرام باش تنجّم تعمل الحاجة إلي مغروم بيها!
