الفيتنام (إلّي إسمها قعد مُرتبط بالحرب) ناوية تعمّم تجربة إسناد الشّهادات الجامعيّة عن طريق blockchain.
الشّهادة الجامعيّة هي وثيقة رسميّة مهمّة ومتعلّقة بيها برشا مشاكل (كيف حالة الضياع) على ذاكا فمّا شكون بدا يخمّم في الحلول التقنيّة كيف وزارة التعليم الفيتناميّة وفي جويلية 2020 تمّ إسناد 579 شهادة من جامعة Hoa Sen للسنة الجامعية الفارطة.
وبحكم التجربة كانت ناجحة، الحكومة قرّرت تعميمها بإسناد الشهائد الجامعة للسنة الحالية وتمّ إختيار البلوك شين TomoChain للمصادقة وإرسال الشهائد.
البلوك شين إلّي هي تقنية إرتبطت خاصة بالعملات الرقميّة نشوفو فيها اليوم تُستعمل في مجالات أخرى بسبب ميزاتها خاصّة الشّفافية والنقل الآمن للمعلومات.
التجربة هذي ما تتفرّدش بيها الفيتنام كهو، البرازيل وإيطاليا بداو في تجربتها وقبلهم من 2017 جرّبتها مالطا و MIT أسندت في نفس السنة 100 ديبلوم في إطار برنامج نموذجي.
لأكثر معلومات، شوف الموقع هذا.
The original article was posted on LinkedIn
