إدارة ترامب تقدم هدية للشعب الأمريكي تتمثل في قرارات تحدّ من استعمال وخصوصيّة crypto monnaies.

سبق في جوان إلي فات عبّر ترامب على رايو فيما يخصّ العملات الرقمية واعتبرها مازالت مش حاضرة للبزنس رغم إلّي نظام الدفع الإلكتروني Paypal وعد إنّو باش يدرج 4 عملات رقمية في قائمة العملات المعمول بيها للخلاص في نظامو وعلى راسهم Bitcoin.

وبعد ما شهد البيتكوين الأسبوع الفارط ارتفاع قياسي، هبط مقال في موقع The Verge نهار 22 ديسمبر يفسر بالتفصيل قرارات ترامب فيما يخص العملات الرقمية إلي سرّع فيهم قبل ما يخرج من البيت الأبيض ونلخص أهم ما جاء فيهم :

1. الحد من المعاملات لتحويل عملة رقمية لعملات أخرى (رقمية أو الدولار) بقيمة تساوي أو تتجاوز

10000 دولار. أي تجاوز باش يتسجل في إدارة الضرائب إلي باش تسئل « من أين لك هذا؟ » ويقدّروا قيمة الضرائب إلي لازمك تدفعها حسب المبلغ المالي المُحوّل.

2. أصحاب محفظات النقود الرقمية وإلّي ناوين يعملوا أي معاملة تفوق قيمتها 3000 دولار لازم يستظهروا بوثيقة رسمية تبيّن هويتهم

يعني قرارات تهدم جزء مالمبادئ إلي تبنات عليها العملات الرقمية إلي هي : حرية المعاملات ومجهوليّة هويّة الفاعل. وكانت حجّة إدارة ترامب عالحكاية هذي إنو العملات الرقمية تُستعمل لشراء الممنوعات في الدارك واب وفي تمويل الإرهاب.

وفوق هذا، عطاو مهلة 15يوم فقط للفاعلين في ميدان العملات الرقمية للتعليق أو لاقتراح تصويب نص القرار هذا.