– كيفاش لقيت خدمتك الجديدة؟

– على تيكْ توكْ

آي ما تستغربوش الحديث هذا في الأشهر أو الأعوام الجايين بحكم إلي تيك توكْ بدا يجرب في فازة جديدة وهي  jobs service for Gen Z.

التجربة قاعدة تصير في الشطر لاخر من الكرة الأرضية، في أمريكيا بالتحديد، والهدف مالفيتشر الجديد وإنو تسهّل على الشباب الباحث عن عمل إنو يلقى خدمة في وحده مالبراندات الموجودين في التطبيق.

كيف ما تعرفو تيك توك الباز متاعو فيديوات قصار، وبرشا مترشحين (خاصة في المهن إلي تطلّب إبداع) ولاّو يستعملوا في الفيديوات في عوض السيرة الذاتية في فورمة pdf على ذاكا الخاصية هذي تنجم تعاونهم وتساعدهم برشا.

تزيد في بروفيلك video resume والباقي خليه على ألغوريتم التطبيق.

هو صحيح، برشا فيكم باش تقولو « لينكدين ما تعوضو حتى آب » لكن نتصور كان الشركات ما يواكبوش الديناميك إلي يعيش فيها GenZ باش يتعبوا في بحثهم عن موظيفين.