صحيح #SpaceX ماهيش أول شركة تنطلق في الرحلات الفضائية… أما إلي صار الجمعة إلي فاتت يخليها تكوّر وحدها في المجال هذا، وتخلي بيزوس وبرونسن يناقشو ويحلّلو في خط كارمن وين موجود بالضبط.
كنت حكيتلكم في جويلية على السياحة الفضائية وكيفاش Virgin Galactic أعلنت بانها باش تكون أول شركة تنطلق في السياحة الفضائية، في خطوة ماركتينغ حطمت أحلام Origin Blue وبيزوس في الحصول على اللقب الأول.
ومبعد حكيتلكم كيفاش صار نقاش بيناتهم حول خط كارمن ومن وقتاش نعتبرو رواحنا وصلنا للفضاء بحكم إلي بيزوس فات 100كلم بينما برونسن وصل ل86كلم وهبط.
لكن إلي صار مع SpaceX نهار 15 سبتمبر وإنها بعثت أول رحلة سياحة فضائية خاصة على مركبتها Flacon9 بدون حتى رائد فضاء. الرحلة هذي اسمها Inspiration 4 مولّها المليونير Jared Issacman وهو تولى القيادة. علاش؟ هاني حكيت عليه في الموضوع هذا
الرحلة دامت 3 أيام وبارتفاع 575 كلم
(أبعد حتى من محطة الفضاء الدولية ISS) وشافو فيها 15 مرة دوران الأرض. ونهار السبت هبطت المركبة بنجاح في المحيط الأطلسي. والهدف من الرحلة هذي هو جمع تبرعات لجمعية خيرية.
شكون الشركة إلي باش تساهم في تعميم الرحلات الفضائية للناس؟ يظهرلي بالنسق هذا الإجابة باش تكون على قريب !
