نكمّلوا في أخبار الفضاء، الستارت آب اللأمريكيّة Relativity Space هزّت 500 مليون دولار نهارين لتالي. الجديد إلّي تقدّم فيه وإنّها تصنع في الصواريخ والمركبات الفضائية بتقنية 3D Printing

مؤسّسي الستارت آب هذي زوز مهندسين كانو في سبايس إكس، وطلعوا بفكرة إنّهم يصنعوا آلات طابعة ثلاثية الأبعاد باش ينجّموا يشرفوا وحدهم على صناعة قطع الصواريخ. خلاف هذا، مراقبة الجودة باش تكون بطريقة دوريّة من خلال machine learning إلي يفيق بالخلل ويصلّحو في القطايع الجايّين.

صحيح مازالوا في بدايتهم وحتى تجربة أوّل مودال تأجّلت بسبب الكوفيد، لكن هدفهم يبعثوا صاروخ من صوارخهم لمارس. ونتصوّر لوكان مش الإرادة لدمقرطَة مجال الفضاء للتقدّم راهو 2020 ماكنش حافل بمثل هذي الأخبار والابتكارات.