كيف ما تعرفو، في أغلب مواقع التواصل الإجتماعي العمر الأدنى للتسجيل فيه هو 13 سنة. على ذاكا مارك زوكربيرج طلع بفكرة جديدة في مارس إلي فات وهي Instagram for Kids.

الفكرة بطبيعة الحال، ومع الواقع الحالي للسوشل ميديا تقبلت بالرفض والمعارضة، وNational Association of Attorneys General إلي فيها 44 مدّعي عام بعثو رسالة لمارك فسروا فيها كيفاش السوشل ميديا قاعدين يأثروا سلبيا على الصحة النفسية للمستعملين، وخاصة إرتفاع نسبة المضايقات، التنمّر والتحرّش في مثل هذي المواقع وباللي أغلبهم مش قادرين يتحكموا ويعدلوا في المنشورات وخاصة الأخبار الكاذبة… خلاف مشاكل تجميع المعطيات الشخصية لأغراض تجارية.

كيف ما ذكروه بتجربة Messenger kids في 2019 إلي كان موجّه فقط للأطفال لكن بسبب ثغرة فيه، الطفل ينجّم يقبل محادثات من عند ناس مش في قائمة الاتصالات. وحاجة كيف أنستا كيدز تنجم تحل بيبان للبيدوفيلز.

وفلخّر قالولو « يا مارك، من غير ما تخلق حاجة مانستحقوهاش وتقنع الصغيرات باللي هي ضرورية »

TikTok : seen 😐