قائمة المنافسين لـ Clubhouse قاعدة تكبر نهار بعد نهار، واليوم جاء الدور على LinkedIn باش ينضم للقايمة هذي.
أكّد LinkedIn إلّي هوما بداو في تطوير خاصية جديدة مستلهمة من Clubhouse والمتمثلة في غرف محادثات صوتية Audio rooms وقام بمشاركة التصاميم الأولية مع موقع TechCrunch.
وكيف ما تشوفو في الصورة، حتى من التصميم يشبه ياسر للي موجود في كلوبهاوس.
لينكدين يعتبر باللي التراند الجديدة هذي تنجّم تحل برشا آفاق للمشتركين وليهم هوما كموقع تواصل إجتماعي بعد إلي لاحظوا إرتفاع بـ 50% من المحادثات قاعدة تصير في البوستس، ستوريز والفيديوات، وخاصة تنجّم تعاون الناس باش يحظروا على نقاشات مهمة وجديّة تخص الحياة المهنية.
في انتظار تحظر الخاصية هذي عند لينكدين، تويتر بدات تجرّب في Spaces وفايسبوك أعلن هو زادا على مشروع جديد كمنافس قوي لـ Clubhouse.
