بمناسبة الإحتفال بالذكرى 32 لتأسيس الواب، مخترع الشبكة العنكبوتية العالمية (www) البريطاني Tim Berners-Lee
توجّه برسالة للحكومات وللمنظمات العالمية بضرورة إعتبار الوصول للإنترنات حق أساسي لكل إنسان.
حسب إحصائيات قامت بيها الأمم المتحّدة، ثلث الناس بين 15 – 24 سنة محرومين من الأنترنات الحاجة إلي تكون عائق على التعلّم عن بعد (خاصة وقت الأزمات والأوبئة)، المشاركة والإبتكار.
تيم إعتبر باللي كل نهار بلاش أنترنات لشباب المستقبل هو فرصة ضايعة وفكرة مهدورة كانت تنجّم تعاون الإنسانية وباللي تكلفة الأنترنات، بالنسبة للحكومات، أرخص بياسر من الجهل المتراكم في السنوات القادمة ودعى الحكومات إلى اتخاذ كلامو على محمل الجد وتوفير الأنترنات للجميع من هنا لـ 2030.
وللمعلومة، SpaceX وصلت حطت قرابة 1200 قمر صناعي حول مدار الأرض باش تواصل في هدفها « الأنترنات للجميع » (بالطبيعة بالفلوس)
The original article was posted on LinkedIn
