OpenIA هي وحده من الشركات الرائدة في مجال الذكاء الإصطناعي، وكنت في السابق حكيت لكم على أول مقال صحفي كتبو روبو ذكي (Man, are you still scared)

المقال كان باستعمال نموذج لغة (مفتوح المصدر) ينجم ينتج كلمات في نفس السياق، لكن بعد البحث والتطوير إلي صار على النسخة إلي قبلو نجموا الباحثين بالنموذج GPT-2 يخلّيو الآلة تكتب مسرحية.

المسرحية مستوحاة من مسرحية للتشيكي كاريل شابك وين حكى فيها على مجموعة عمال في مصنع لخدمة البشر وهو أول من استعمل كلمة « الإنسان الآلي »، وبعد 100 سنة هانا شفنا روبو يحكي على تجربتو في خدمة البشرية !

نص المسرحية كان فيه تدخل بشري للتعديل بنسبة 10% خاطر الروبو كان يغلط ساعات في جندر المتحدّث وإلا يتوسّع أكثر ماللازم، على ذاكا اتخذوا قرار تقسيم المسرحية لـ 8 فصول كل وحده فيهم ما تزديش على 5 دقائق والحوار بين 2 شخصيات كهو في نفس الوقت.

المسرحية تم تقديمها على الأنترنات والممثلين واجهوا تحديات في هالتجربة الجديدة. ممكن من هنا لـ

15سنة يولي الروبو ينجم يزعزع عرش شكسبير، لكن في الوقت الحالي لازم برشا خدمة لتطويرو خاطر لاحظوا باللي هو تعلّم برشا مواقف متاع تمييز وعنصرية بسبب إلي قاعد يتنشر على الأنترنات.

لذا، حسنوا جودة آثاركم التقنية باش الروبوتات يتعلموا منكم الحاجات الباهية !