كيف ما يقولوا « مصائب قوم عند قوم فوائد » وواحد من الصناعات إلي شهدت تطوّر سريع وفوائد مالية كبيرة في فترة الحجر الصحي هو مجال « ألعاب الفيديو » وخاصة إنو سنة 2020 تميّزت بإطلاق مايكروسوفت للكونصول الجديدة Xbox Series X/S وبعدها Sony تخرج تحفتها Playstation5.
اليوم كان فما أكثر من 2.7 مليار شخص يلعب خاطر المجال هذا توسع وخرج مالكونصول والحواسيب للـ
smartphones, casques VR/AR, cloud gaming وغيرو من المنصات إلي تخدم في توافق مع بعضها وتخلّي اللاعب يستحفظ على تقدمو في اللعبة مهما كانت المنصّة.
وكانك تحب تبتكر وتصنع لعبة يشيخو عليها الناس، محمد النابلي حكى في برنامج Lucky Tech على الطريق، مالا ركّز معايا تو !
أول حاجة لازم تكون عندك أساسيات البرمجة وخاصة الـ OO في لغة البرمجة C# على ذاكا ننصحك تتعلّم أساسياتها من موقع مايكروسوفت
وبعد تتعمّق فيها أكثر في مجال الألعاب من خلال كتاب Learn C++ for Game Development
حاجة أخرى لازمك تتعلمها هي Unity
وكان تحب تزيد تتعمق أكثر في الطريق إلي لازمك تمشي فيها، أعمل طلة على الملف هذا في Github.
كقراية في تونس مازالت مش موجودة، لكن فما مراكز التدريب إلي يقدموا دورات في صناعة الألعاب وحاول تثبت في المدرّب شكون خاطر مهم إنو يكون ولد المجال، وفي الإطار هذا محمد النابلي يقدم في دورات تطوير ألعاب الفيديو.
هو صحيح ممكن ما فماش شهادة تاخوها باش تخدم بيها طول كمطور ألعاب، على ذاكا لازمك وانتي تتعلم، تعبي سيرتك الذاتية بالمشاريع (الألعاب) إلي انتي باش تصنعهم وتخليهم يحكيو عليك.
