أعلنت شركة فايسبوك الأسبوع الفارط على مساندتها لـ Epic Games وبدات حربها هي زادا

على Apple!

16 ديسمبر إلي فات، فايسبوك نشرت في أكبر الجرائد الأمريكية صفحة كاملة اتّهمت فيها الشركة التفاحة بقتل المنافسة في مقال تحت عنوان

« we’re standing up to apple for small businesses everywhere« 

الحكاية الكل على خاطر في نظام iOS14 الجديد المطوّرين ولاّو مطالبين باش يعطيوْ التحكّم المطلق للمستعمل إنّو يقبل أو يرفض تجميع وتتبّع معطياتو الشّخصيّة. وكيف ما تعرفو، فايسبوك عندها في سوق التسويق الرقمي بايْ كبير مع الإعلانات الموجّهة وإلّي العِمدة متاعها أكالمعلومات الشخصية.

خلاف المقال، فايسبوك نشرت موقع واب فيه شهادات لأصحاب المشاريع الصغرى إلي تضرّروا مالقيود هذي. (الموقع)

آبل خذات حقّ الرد وجاوبت في موقع MacRumors باللّي همّهم الوحيد هو حماية المعطيات الشّخصيّة والمستعمل من حقو يعرف معلوماتو لفين ماشية وفاش باش تُستعمل.

فايسبوك زادت نشرت مقال آخر بعنوان « Apple vs. free Internet« 

وضّحت فيه باللي هدف آبل الحقيقة مش حماية المعطيات، بل يلزّوا المطورين إنهم يدرجوا أدوات مدفوعة داخل التطبيقات للحصول على personalized service or ads يعني 30% ربح صافي يمشي لآبل.

المضحك في الأمر، إنو فايسبوك عندها قضايا منذ أشهر على الاحتكار وفمّا قرارات قضائية قاعدة تُدرس حول إمكانية تفكيكو ويهز يديه من أنستاغرام، واتس آب وغير…