كيف ما جرات العادة والعوايد، مارك زوكربيرج كيف ما ينجّمش يشري ستارت آب جديدة يعمل حاجة تشبهلها وينطلق في منافستها بقوة الإمكانيات إلي عند فايسبوك.
بعد عام ماللي خرج، Clubhouse يلقى روحو اليوم في مواجهة مع فايسبوك بعد التصريحات الأخيرة. نهار 19 أفريل، Facebook قدّم مجموعة من المشاريع المستقبلية إلي قاعد يخدم عليهم وخاصة الانضمام للتراند الجديدة متاع Social audio . وفي الإطار هذا باش يقترح 2 خاصيات جديدة يجيو من هنا للصيف :
tالأولى تتمثل في Hotline إلي باش تكون منافس مباشر لـ Clubhouse بال audio rooms متاعو وبال live sessions إلي ينجّم يصنعهم أي واحد وينضملهم أي واحد للمشاركة في النقاش. وهنا نقطة الأسبقية إلي عند فايسبوك (في حالة ما Clubhouse ما يحسّنش في تطبيقو) إنو التطبيق هذا الناس الكل، أندرويد وآيفون، ينجموا يستعملوه وزيد تنجّم الحصة تتسجّل وتسمعها كي يبدى عندك وقت. ومع الذكاء الإصطناعي، باش تلقى جملة من الاقتراحات المبنية على إلي تسمع فيه. وخلاف هذا، فما إمكانية إنو فايسبوك تخلّص الناس إلي يقوموا بالـ podcasts وهكاكا تبني بزنس مودل جديد للخاصية هذي.
الثانية تتمثل في Soundbites المتاحة زادا في تطبيق فايسبوك والهدف منها باش تكون فيها برشا أدوات تنجم تستعملهم باش تشارك مقاطع صوتية قصيرة (نكتة، جزء من مقابلة…). وفايسبوك وعد باللي باش يكون فما تطبيق للذكاء الإصطناعي باش يحسّن في جودة الصوت ويلغي الأصوات الدخيلة. ومش هذا كهو، لكن زادا تنجّم الصوت تحوّلو لتاكست وباش تلقى dashboard فيها برشا كليبات صوتية باش تعمل ميكست باهي للمقطع الصوتي إلي باش تبرتاجيه.
هو صحيح، فما عمالقة أخرين في السيليكون فالي بداوْ ينافسوا في Clubhouse، لكن هذا ما يمنعش باللي رغم قضايا الاحتكار وقتل المنافسة، Facebook مازال مواصل بنفس التمشي وحد ماهو منجّم يوقفو عند حدّو.
وحدك يا سيرين
يعيشك سامي 😄