كنت حكيتلكم قبل على موقع المواعدة TeslaDating للناس المغرومين بكراهب Tesla.

المرة هذي موقع جديد يتزاد لقائمة المواقع إلي تخص آلون ماسك وهو elonstocks.com

الموقع هذا يتبّع التويتس متاع إيلون الخاصين بأخبار البورصة وكل ما فما جديد تجيك تنبيه على التاليفون. الإشتراك فيه ب1دولار ويخص الأمريكان والكنديين.

فكرة الموقع هذا بدات من وقت إلي لاحظوا إنو كي آلون يتويتي على شركة سهمها يطلع، ومثال هذا :

* signal : صحيح مش في البورصة أما عدد المستعملين قفز لـ 40مليون في أقل من الشهر

* cyberpunk 2077 : آلون قال باللي اللعبة عجبتو ياخي سهم الشركة طلع

+13%

* Bitcoin : زادها آلون في ال بيُو عالكونت تويتر ياخي قيمتو زادت ب

+20%

* Etsy : آلون عجبتو الطربوشة إلي شراها لكلبو مالموقع هذا ياخي ماللي كانت الشركة مسالة في -2,24% ربحت +8% (1)

* Gamestop : ساند الحركة إلي صارت

والأمثلة تطول…

لكن ! يا خيبة المسعى خاطر آلون قرر نهارين لتالي باش ياخو راحة من تويتر.

وللتذكير، في 2018 شرطة البورصة فتحت تحقيق ضد آلون بتهمة التحيّل/التزوير. وقتها آلون تويتا وقال باللي هو باش يجبد تاسلا مالبورصة كي يوصل سهمها 420دولار. دقائق من بعدها سوم السهم فات 300دولار بارتفاع قيمتو 13.5% وقعدوا عام في المحاكم باش فلخر وصلوا لاتفاق ودّي وماسك ولّى يراقب أكثر في الحاجات إلي يبوستيها.