علاش ما حكيتش على Google Keynote ؟

على خاطر بعد ما تفرّجت في الفيديو الترويجي (ما يُعتبرش كينوت) ما خرجتش بال WOW face

1. Pixel 5 / 4a 

نذكّركم باللّي البيكسال 4 كان صفعة لڤوڤل بالمشاكل التقنية (مافيه كان الكاميرا باهية) وحتى الجيل الخامس حطّو تحت المجهر قوّة الكاميرا… والجديد فالجيل الرابع باش يكون يخدم ب 5ج

يعني الواحد يستنى في كينيوت آبل باش يعرف جديد الآيفون ونوكيا قاعدة تروّج في تاليفونها الجديد 5ج، وكاميرا وتاليفون جاميس بوند 007 وما نحكيوش على سامسونغ والماركات الصينية إلي دمجوا ال 5ج في البرودويات الجدد وڤوڤل جات تو تصنع في المفاجأة 

أما ميسالش، خلّي نقولو إلي ناحية ديزاين التاليفون هذا مزيان برشا وكان تكمانديه تو تاخو معاه كاسك ڤوڤل بلاش 

2. Nest Audio

حصان طروادة ڤوڤل خرج وقت إلي آمازون ما عندهاش برشا ماللي أعلنت على مجموعة من مكبّرات الصوت الذكيّة مع إمكانيّة التحكّم في المعطيات الشخصية وإيقاف تسجيل الأحاديث.

أما كلمة حق، يبقى ڤوڤل هُومْ متقدّم ياسر على آليكسا من حيث سرعة التعامل وتحليل البيانات والجديد في المنتوج هذا إنو ينجّم يداتاكتي الحس الغريب إلي ينجّم يكون صادر من سارق دخل للدار.

3. Chromecast with Google TV

جهاز تحكّم عن بعد لتسهيل التعامل الصوتي مع شاشة ڤوڤل أو كيف ما يسمّيوها ساعات أندرويد TV

أما في بالكم إلّي شاومي خرجت تلفزة جديدة TV 82″ + mini-LED + 8K + 5G ؟