لعبة دخلت للتاريخ مالباب الكبير مرة أولى من حيث الفلوس المستثمرة فيها (270 مليون أورو) وفي مرّة ثانية بسبب المشاكل التقنية دوب ما خرجت.

شركة تطوير الألعاب CD Projekt كانت في ماي 2012 أعلنت على البروجا الجديد Cyberpunk وبحكم إلّي هي خذات صدى باهي بعد إصدارها لسلسلة ألعاب The Witcher الإنتظارات كانت عليها ياسر قويّة.

– أكتوبر 2012 :

الإعلان الرسمي على إسم اللعبة Cyberpunk 2077

– جانفي 2013 :

first teaser وقالوا اللعبة باش تكون حاضرة في 2016

– جوان 2018 :

خلال E3 (Electronic Entertainment Expo) أجلوها

– جوان 2019 :

مرة أخرى في E3 أعلنوا باللي اللعبة حاضرة وباش تهبط في 16 أفريل 2020 على المنصات sur PC, Xbox One et PlayStation4 et Stadia الناس الكل يستناوْ، وكل مرة يصير تأجيل في إطلاق اللعبة حتى نهار 10 ديسمبر 2020 هبطت… وحدث ما لم يكن في الحسبان !

اللعبة ما تخدم، تقريبا مليح، كان عال PC وللّي عندهم سرفيس الكلاود ڤايمينڤ ڤوڤل Stadia جماعة PS4 + Xbox كانتلهم كارثة كبرى بمشاكل الجرافيك وال bugs (حاجة ما صارتش قبل وفما فيديوات باليوتوب للي يحب يتفرج).

لتدارك المشاكل هذي، 5 باتشوات هبطوا باش يصلحوا شوية من المشاكل وحتى إلي لعبوها على PS5 اللعبة مازالت تبوڤي.

الشركة تهّدت بتقديم تعويضات، بينما Sony في موقف صارم منها فسخت اللعبة مال playstation store وMicrosoft عكسها خلاّتها والزوز تعهدوا بدفع تعويضات.