هل تعلم إنو الإيمال ينتج 10غ CO2 كل عام ؟

آي نعم، آكا الإيمايل إلي يجيك وإنتي إطفّيه خاطرك « ماكش مهتم » وإلا نسيت علاش دخلت للسيت إلي فرض عليك إنك تشارك في ال news letter متاعو… يساهم في التلوّث البيئي.

لكن أحباء البيئة موجودين، ومنهم الستارت آب الفرنسية Cleanfox إلي تقدّم تطبيق هاتف يعاونك باش تنظّف البوات مايل.

طريقة الإستعمال ساهلة:

1- كوناكتي التطبيق بالبواتا متاعك

2- بالمُرسل بالمرسل (كيف Tinder) : يا تستحفظ بالإيمايلوات، يا تفسّخ الإيمايلوات إلي وصلوك، يا تخلي حذف الرسائل يصير بطريقة أوتوماتيكية.

فما ستاتيستيك متاع نسبة فتحك للإيمايلوات من نفس المُرسل تظهر باش يعاونك على اتّخاذ القرار، وكان غلطت وفسخت حاجة تستحقلها تنجّم ترجعلها وتسترجعها خاطر الحذف يصير بعد أيامات.

ما تستخفوش بأهمية الجانب الإيكولوجي كي نستعملوا التكنولوجيا !