قضية جديدة ضدّ Google حسب صحيفة لوموندْ، البارح تلانصات قضيّة جديدة ضدّ ڤوڤل مُستندة على دوسي من العيار الثّقيل من الأدلّة وحسب السيناتور الديموقراطي باش تكون أهمّ قضيّة إستحواذ وقتل المنافسة في القرن هذا.

ڤوڤل اليوم تهمتها الإحتكار على سوق المتصّفحات (Chrome) وعلى سوق الإشهارات، وهنا يتسائل المراقبون : ڤوڤل كهو باش تتحاسب؟

هنا نذكّركم باللّي أكثر من عام لتالي ترفعت قضيّة وكان لينا الشرف إلّي حضرنا جلسة إستماع إفتراضيّا في جويلية. القضيّة معروفة بإسم L’enquête antitrust (موجود التسجيل في يوتوب +6 سوايع).

باهي، باختصار القضيّة هذي تدين ال GAFA بتهم الإستحواذ والاحتكار وقتل المنافسة وتحب تفكّكهم كل وحده ومجال نشاط محدّد. فايسبوك مثلا تهمتو إنو قتل المنافسة بينو وبين سناب شات كيف استحوذ علىwhatsapp وInstagram. ڤوڤل كيف كيف، بين يديه Youtube، محرّك البحث، كروم، أندرويد، الإشهارات… أمازون وآبل الأقل تأثّرا بحكم الأولى تهمتها قتل المنافسة في التجارة الإلكترونية والأخرى عندها ممارسات تقمع المنافسة.

وميكروسوفت وين في هالحكاية؟

Microsoft من 2002 ل 2008 وهي بين القضاء الأمريكي والأوروبي بمثل النوع هذا من القضايا، واليوم مركزين أكثر مع ال GAFA إلي من جهة أخرى بروكسال (الإتحاد الأوروبي) يحب يفرض عليهم تاكس جديد ويفرض عليهم إحترام قوانين المعلومات الشخصيّة والإحتفاظ بيها في الأوروبا ومش لازم الرحلة كلّ مرّة ل datacenters  في أمريكا.