ساعات لتالي الصين أطلقت بنجاح مسبار فضائي sonde spatiale والإنجاز هذا ينضاف لقائمة المشاريع الناجحة للمهمّات الصينيّة الفضائيّة.

المسبار « شانغي 5 » مهمّتو جمع شوية عيّنات صخريّة من القمر (بين 2 و4كيلو) وهذي رابع مهمّة من هذا النوع بعد 40 سنة وبعد 3 مهمّات من الاتّحاد السوفياتي آخرها كانت في 1976.

المهمّة هذي كان المفروض تتمّ في 2017 لكن الصاروخ إلّي باش يقوم بإطلاق المسبار ماكانش حاضر في الوقت.

وللتذكير، هذي مش أوّل مهمّة فضائية للصين خاطرها في 2013 و2018 بعثت 2 روبوتات للڤمرة خلاف إنها في 2019 نجّمت تبعث مركبة فضائيّة على جزء غير مرئي من القمر في سابقة من نوعها.

الخبر هذا يجي بعد جمعة من نجاح إطلاق الصاروخ Falcon9 التابع ل سبايس إكس باش يوصّل 4 روّاد فضاء لمحطة الفضاء الدولية وبعد ما تفرّجنا في آخر ماي على أهم مهمّة للستارت آب هذي (إطلاق 2 روّاد فضاء لاستكشاف مارس).

إلّي يحب يتفرّج في فيديو الإطلاق