Cardboard منتوج آخر ينضاف لقائمة المشاريع/المنتوجات إلي تخلاّت عليهم Google !
في اللقاء السنوي متاع 2014، ڨوڨل وكيف في كل لقاء وزّعت على الحاضرين هدايا منهم Cardboard VR.
الهدية هذي تتمثل في كاسك متاع واقع إفتراضي تركّبها وحدك، وتعيش التجربة مثلا ب GooGle Earth
الهدف من وراء المشروع هذا كان تعميم التقنية هذي (وقتها مازالت في بداياتها) للناس الكل.
بعدها بعامين، في 2016، ڨوڨل أطلقت البلاتفورم
Daydream إلي تلقى فيها تجارب متاع واقع إفتراضي متقدّمة ومتطوّرة أكثر وتستعمل معاها الكاسك Daydream View.
وفي 2019، تخلاّت ڨوڨل على المشروع هذا.
وبعد 7 سنين من التسويق للكاسك الكرذونة، بسعر متاح للجميع، ڨوڨل قالت يزّي هوكا المشروع مفتوح المصدر للي يحب يكمّل فيه وإلاّ يطوّر فيه.
شخصيا ما نعرفش علاش Google قاعدة تجبد فيه روحها مالسوق هذي وقت إلي كبارات التاكْ كيف
Samsung وFacebook دخلوا بكاسك ممتازين وApple (حسب الإشاعات) هي زادا تحضّر في كاسك جديدة بعد ما شرات برشا شركات مختصين في الواقع الإفتراضي كيف NextVR.
The original article was posted on LinkedIn
