واحدة من حلقات Lucky Tech من تقديم نور شطارة وإلي ننصحكم تسمعوها هي حلقة تحكي على performance applicative بحضور محمد الرصاع، المدير التنفيذي لـ ALTERSIS Performance.
الهدف من performance applicative هو إنو يكون السيستام (برنامج، تطبيق…) تحت السيطرة ومُراقب قبل ما يصير كراش وكان صار نعرفو السبب. فعالية السيستام انجموا نلخصوها في 2 حاجات :
* response time
* system stability
في الحوار، حكى الضيف على أهمية واختلاف مهنة الـ performance consultant على بقية المهن في الإعلامية على خاطر تحتّم عليك تكون ملمّ بكل جديد في المجالات التقنية وديناميك باش ما تفوتك حتى معلومة وأهم حاجة تكون باهي في soft skills خاطر الواقع اليوم، على لسان الضيف، باش تبيع وتتعامل مع الحرفاء لازمك تكون قوي في السوفت سكيلز.
وإلي يحب يدخل للمجال هذا، المبرمج لازم يبدى بتعلم البرامج هاذم :
jMeter برنامج مفتوح المصدر باش يقيس فعالية الآبليكايشن
Dynatrace واحد من أهم برامج ال APM: Application Performance Management
تنجموا تتعلموه من هنا
https://university.dynatrace.com/
Neoload بلاتفورم بالفلوس تعاونك باش تلانصي تاست أوتوماتيك وتشوف فعالية النظام
وفي كل برنامج من هذم فيهم شهادة تزيد في قيمة سيرتك الذاتية وتحلّك البيبان لفرص عمل عالمية.
من بين المهمات التعليمية لـ ALTERSIS Performance هو نشر ثقافة develop with quality يعني كمبرمج أو مطوّر برمجيات لازمك تكون واعي بجودة الكود مش الفايدة في حاجة تخدم كهو.
