عادْ ماهو السنة Apple صنعت الحدث بالآيفون 12 إلّي تبيع فيه بلاش شاحن ولا سماعات (بعض الدول كيف فرانسا مُلزمة آبل باش تبيعهم مع التاليفون) في خطوة منها لتأكيدها على تفكيرها في البيئة، إلخ… وكنت حكيتلكم عالتفدليكة الماسطة متاع Xiaomi إلّي نبرت عليهم وإلي بعد وريتكم باللي هي من بين الشركات إلي ماعندهاش تخطيط حالي مع الفاعلين في المجال للحد من خطر التكنولوجيا على البيئة.
عادْ Samsung كانت هبطت البوست هذا وقالت لمحبّيها « ما تخافوش، باش تلقاوْ الشارجور » وعاد ماهم قاعدين يحضّروا باش يعلنوا عن الهاتف الجديد Galaxy S21 في جانفي وإلّي ومن غير ما نطوّل عليكم باش يتباع في بعض الدول من غير الشاحن الكهربائي.
Samsung فسخت المنشور هذا من كل السوشل ميديا واختارت اتبّع خطى آبل. وفي انتظار يتمّ الكشف اليوم على هاتف شاومي الجديد Mi11 وإلي زادا من المتوقع إنو باش يتباع بلاش شارجور
The original article was posted on LinkedIn
