كيف ما فما GAFA (Google Amazon Facebook Apple)

فما BATX (Baidu, Alibaba, Tencent, Xiaomi)

أهم المسيطرين على مجال التكنولوجيا في الصين. وكيف ما كبارات التاكْ الأمريكان قاعدين يتخطاوْ ويتعاقبوا ماليّا، نفس الشي صاير مع الصينيين وخاصة مع Alibaba إلي جاتو خطيّة كبيرة السبت إلي فات.

خطية بقيمة 2.8 مليار دولار لـ علي بابا تحت عنوان « الإحتكار » بعد ما فٌتح تحقيق في ديسمبر ولقاو إلي الشركة انتهكت قانون مكافحة الاحتكار وتمارس في ضغط على صغار المنافسين.

من جهتها، الناطق الرسمي للشركة قال باللي هوما قابلين إلي تعمل فيه الحكومة ومستعدين باش يبدلوا من سياستهم لإستهلاك واعي أكثر.

أما تتذكرو الخوضة إلي قامت في نوفمبر بعد ما طلع جاك ما وانتقد النظام المالي الصيني ياخي الشركة التابعة ليه Ant Group تحرمت من دخول البورصة وجاك ما قعد غائب عن الأنظار لجانفي؟