في جانفي إلّي فات، أمازون بدّلت الإيكون متاع الموبايل آب. كيف ما تشوفو حافظوا على البساطة والرسالة… لكن حدث ما لم يكن في الحسبان.

من المفروض الإيكون كانت تعبّر على الصندوق إلي فيه المشتريات، وفيه السهم الشهير متاع أمازون « تلقى عندنا كل شي » ومعاه ترف شريط لاصق مالفوق إلي تستعملو الشركة باش تسكّر بيه صنادقها. وكيف ما قال المتحدث باسم أمازون « نحبّو المستعمل يكون فرحان كي يبدى يتسوّق ونذكروه بنفس الفرحة كي توصلو القضية ».

لكن أكا الشريط اللاصق ذكّر برشا مستعملين بشلاغم « أدولف هتلر » وهبطت عليهم شوية تويتس الشي إلي خلاّ أمازون، البارح، وبكل صمت يبدلو الشريط اللاصق بواحد آخر مقصوص مستوي وفيه ثنية صغيرة باش يسكتو النبّارة متاع الواب.