تذكروا معايا عام لتالي، واحنا غاطسين في معْمَعة الإنتخابات، بلاتوات التلفزة والصحف ومواقع التواصل الإجتماعي يحكيو على « ضعف مشاركة الناخبين وخاصّة من فئة الشّباب ».

في أمريكا وهوما على أبواب الإنتخابات توّا، لاحظوا نفس الشي وحاولوا يوعّيوْ الشّباب بأهميّة صوتهم كلٌّ بطريقته.

ألكساندريا كورتاز، أصغر عضوة في الكنغرس الأمريكي، قرّرت نهار 21 أكتوبر تلعب أشهر لعبة في وقتنا تو amongUs واستريماتها لايف على twitch وعملت روكور بأكثر من 430.000 مشاهد.

في 3 سوايع لايف مليان بالضحك والتفرهيد عدّات ميساجها للشباب وحكات معاهم في السياسة بلغتهم ونصحتهم باش ينتخبوا.