سبايس إكس تحصد في النّجاحات ووصلت للبارح ل23 إطلاق ناجح بفضل Falcon9 وآخر مهمّة ليه كانت وضع في المدار مجموعة من الأقمار الصناعية التابعة لـ Starlink (مشروع الأنترنات للجميع بواسطة الأقمار الصناعية).

ومن المقرّر نهار 30 نوفمبر باش يتمّ تجربة البروتوتيب الجديد SN8 إلي باش يتمّ إطلاقو على ارتفاع عالي جدّا مقارنة بالنماذج الأخرين (15كلم).

لكن كيف ما تابعتوا وسط الجمعة بعد الإعلان على قائمة أغنى الأغنياء، إيلون ماسك وصل للمرتبة الثانية بفضل Tesla إلّي حكاية اليوم عليها.

فمّا باحث في الحماية في بلجيكيا نجّم في دقيقتين يهاكي كرهبة تيسلا موديل إكس عن طريق ثغرة في تقنية Bluetooth Low Energy في مرحلة أولى وبعد ربطها بمفتاح آخر.

وبالطبيعة في حالات البحوث والقرصنة الأخلاقية، يتمّ إعلام الشركة باش تصلّح الثغرة ومبعد ينشروا ورقة علمية فيها نتائج بحوثهم.

خلاف هذا، مجموعة من مستخدمي الموديل X et Y رفعوا قضيّة بشركة تيسلا لأخطاء تصميم تنجّم توصّل للموت، ورغم إلي الشركة عوّضتلهم القطايع المضروبة وحاولت تلم الحكاية، إلّا أنهم متمسكين براي القضاء إلي باش يكون الفيصل.

هذا الفيديو لأكثر تفسير