تتذكروه برنامج الحماية الروسي kaspersky ؟
حظروا رواحكم خاطر الشركة باش تقتحم مجال الهواتف الذكية وباش يلانصيو في 2021 موبايل جديد.
يفجيني كاسبرسكي (مولى الشركة) قال باللي قاعدين يصمّموا في تاليفون مستحيل يتبيراتا (شريكهم في صناعة الهارد وير صيني ما قالوش على اسمو) وباش يكون موجه خاصة للناس إلي في مناصب حسّاسة ويستعملوا 2 تاليفونات واحد للاستعمال الشخصي ولاخر للخدمة. وزادا عند الناس إلي متقلقة من استغلال الشركات العملاقة والمواقع لمعلوماتهم.
تاليفون كاسبرسكي باش يكون فيه الحد الأدنى من التطبيقات وبسيستام خاص بكاسبرسكي في مرحلة أولى، وفي مرحلة ثانية حسب ما حكى يفجيني إنها تنجم تكون رؤية حالمة خاطر يحب بنزلة يبدل من نظام كاسبرسكي لنظام أندرويد للي يحب أكثر تطبيقات.
علاش سئلت مالأول شكون يتذكر كاسبرسكي؟ على خاطر خاصة في 2017 بدات قيمتو السوقية تهبط وهنا نرجع بيكم وقتها الحكومة الأمريكية (تحت حكم ترامب) قرّرت إنها تمنع كاسبرسكي وطالبت الوكالات الفيدرالية باش يفسّخوه والتهمة (نتصوّركم عرفتوها) هي « التجوسيس على الحكومة ».
القرار هذا جا بعد المصادقة على قانون روسي يسمح للمخابرات باش يطلبوا كاسبرسكي في شوية معلومات تخصّ حكومات مش حتى الأفراد.
خلاف هذا، في 2015 تنشر مقال في مجلة Computer Technik كشفوا ثغرة خطيرة فيما يخص الحماية عالواب وكاسبرسكي أكدت الخبر وصلحت الثغرة في جميع الإصدارات.
في الختام، يفجيني قال باللي كاسبرسكي وهواوي كيف كيف، لصقت فيهم تهمة أثرت عليهم سلبيا من غير حتى دليل.
The original article was posted on LinkedIn
