كيف ما نعرفوا، أغلبية تطبيقات الموبيل إلي نستعملوا فيهم « مجانيّة » أو كيف ما يقول المثل:

« كان لقيتها بلاش، أعرف راهي معلوماتك باش تتباع« 

وإلي يقول حماية وأقل خطر للقرصنة وتحكّم مطلق في الماكينة، المخ يفكّر طول في Linux.

آي نعم، لينكس من 2007 دخلت لمجال تطوير أنظمة الهواتف الجوالة والذكيّة وفما تطوّر واعد لو اتخذت الحكومات قرارات صارمة تجاه عمالقة الأنترنات خاصة GAFAM.

فما أنواع متاع هواتف ذكية تقبل الأنظمة مفتوحة المصدر كيف:

Debian, PureOS (linux), QtMoko, Firefox OS, Ubuntu Touch…

الهواتف هاذم تلقاوهم في ماركات عديدة كيف Nokia (N900, N950, N9), Fairphone 2, OnePlus One, Nexus, Purism (Librem 5)

وخاصة PinePhone إلي يجي بخاصيات تقنية مهمة تتمثل في switch off :

– Cellular modem/GNSS

– WiFi/Bluetooth

– Microphone

– Rear camera

– Front camera

(يعني كي فلسة الضو، تنزل يشعل، تنزل يطفى)

وكيف أنظمة لينكس متاع الحاسوب، نظام الهاتف هذا ثابت، فعال، يستهلك أقل موارد وتطبيقاتو مفتوحة المصدر…

لكن هذا ما ينفيش وإنو فما تطبيقات ولات مهمّة في اليومي متاعنا وإلي مازالت مش موجودة في متجر تطبيقات الأنظمة مفتوحة المصدر.