شنوّة التجديد إلّي ينجّم يصير على الهواتف الذكية من ناحية الديزاين؟

السؤال هذا كان مطروح لسنوات وبعد ما وصلوا الشركات يصنعوا هواتف ذات سمك صغير (Oppo R5 – 4,85 mm) الشركات اتّجهت نحو الهواتف القابلة للطيّ folding smartphones.

من 2019 وخاصة في 2020 تم طرح مجموعة من الهواتف إلّي تتثنى في السوق، منها إلي نجح ومنها إلي كان أقل من المتوقّع.

مثلا نلقاو :

– Samsung : Galaxy Z Fold 2 + Galaxy Z Flip

– Motorola : Razr

– Huawei : Mate Xs

– Royole : FlexPai 2

وفما زادا مصّنعين، ممكن لأسباب تقنيّة، خيروا يطرحوا هواتف ب 2 شاشات كيف :

– LG : Velvet

– Microsoft : Surface Duo

Oppo كانت وحده من الشركات إلّي دخلت للسباق هذا وكان في شكل تسريب للهاتف متاعها، لكن لتو ما هبطش للسوق. والأسبوع هذا، أُوبو نشرت الفيديو هذا والمتمثّل في تصميم جديد لـ slide-phone ينجّم يتثنى / ينزلق على 3 أحجام كيف في التصويرة.

ممكن التصميم هذا يكون ياسر طموح قدام الصعوبات التقنية، لكن كان ينجحوا في تصنيعوا، نتصوّر مجال الإبتكار باش يكبّر لدى بقية المصنعين وباش تتحل آفاق تقنيّة جديد !