في جوان إلّي فات، فمّا خبر تعدّى وبرشا ما ركّزوش معاه وهو إعلان شركة الأطعمة KFC على دخولها لمجال ألعاب الفيديو(حاجة عادية خاطر الناس الكل مركزين السنة مع الإكس بوكس والبلاي5).

نهار 22 ديسمبر، هبط فيديو على تويتر KFC Gaming وفيه الكونصول الجديدة متاع KFC إلّي جات بمميزات تقنيّة تنافس (أو حتى تتجاوز) إلّي قدّمتو صوني في البلاي5 وميكروسوفت في الإكس بوكس.

خلاف هذا، تلقاو فازة قويّة علخر موجودة في الكونصول هذي، وإنّو فيها بلاصة صغيرة تحط فيها شوية أفخاذ دجاج من KFC والا حاجة باش تڤرمشها وانتي تعلب وتحب تخليها سخونة في استغلال ذكي للحرارة الخارجة من نظام التبريد.

وقتاش تخرج للسوق وبقدّاش؟ مازال ما فمّاش الصحيح.

المصدر entrepreneur.co