كي تبدى غني ومغروم بـ إيلن ماسك شنوّا تنجم تشري؟
الحكاية بدات وين مرة تقابل رجل الأعمال الروسي Sergey Kitov مع صحابو في أوتيل 5 نجوم ولاحظ باللّي كل واحد فيهم عندو 2 هواتف جوالة: واحد آيفون وقتها مازال وين طلع ولاخر Vertu إلي هي ماركة مختصّة في صناعة هواتف جوالة فاخرة جدّا.
السيّد ضرب خماسو في أسداسو وفي 2011 لانصى مشروع Caviar المختص في ابتكار تصميم شخصي للهاتف الجوال.
البداية كانت مع الآيفون (اليوم سامسونغ شريكة معاهم) ياخذو الإصدار الجديد ويقترحوا يزيدوه شويّة ذهب على ترف ديامنت على تغليف بالتيتانيوم على شوية أحجار نادرة وكريمة… مع تصميم خاص بيك وحدك.
البزنس من وقتها قاعد يطوّر على ذاكا تلقاهم يقترحوا إنك تكماندي مع التاليفوم iWatch, airPods, iPad, sneakers, سجائر، ساعات…
والكلهم باش يحملوا نفس بصمة التصميم الشخصي.
من بين التصاميم المقترحة تلقاو تصاميم بأسماء ناس مشهورين كيف محمد علي كلاي، ستيف جوبز، تيسلا، أبطال مارفيل، وحتى بوتين وآخر تصميم هو
Musk be on Mars
إلّي يجي مع آيفون 12 برُو بداية من 9600 دولار.
نخلّيلكم الموقع الرسمي إكتشفوا وحدكم بقية التصاميم
وإلّي يحب يكماندي بلاي 5 مغلفة بالذهب، يعمل طلة هنا
The original article posted on LinkedIn
