العصفور إلي في التصويرة إسمو copsychus sechellarum. النوع هذا مهدّد بالانقراض وموجودين 400 عصفور كهو في السيشل.

مالا شنوة الجديد؟

الجديد وإنو مدير جمعية Nature Seychelles طلع مواكب إلي صاير في العالم والتكنولوجيا وحط ال59 عصفور المجودين في محميّة في جزيرة Cousin Island التابعة للسيشل للبيع عن طريق NFT.

كنت حكيت عالـ NFT في المقال هذا

The first tweet is sold!

وكتلخيص بسيط هي تقنية مبنية على البلوكشين بدات تضرب برشا الفترة الأخيرة بحكم إلي ولاّو برشا يستعملوها باش يشريو الآثار والفنون الرقمية. يعني مثلا تنجّم تشري تصويرة والملكية تولّي ليك.

بالطبيعة، البيع فقط رمزي مش امتلاك حقيقي للعصفور والفلوس إلي جمعوها باش تموّل المشاريع الهادفة لحماية الطائر هذا.

المبادرة هذي هي الأولى عالميا في مجال البيئة ومتأكدة ماهيش الأخيرة.