نحكيو اليوم على حلقة جديدة من Lucky Tech من تقديم نور شتارة على Digital Marketing مع عبد الكريم بن عبد الله مؤسّس Social Media Club Tunisia أول نادي يهتمّ بالتسويق الرقمي في تونس.
في موقع النادي تلقاو برشا خدمات، دورات تدريبية، تأطير ومحتوى يعاون المهتمين والمبتدئين باش يتعلموا digital marketing.
من بين أهم الخدم المرتبطة بالـ Digital Marketing والمطلوبين اليوم في تونس :
1- Community Manager
2- SEO specialist
3- Web content writer
4- Web Integrator
5- CRM specialist
وخاصة تمّ الإشارة إنو الخدم هاذم، خاصة بعد أزمة الكوفيد، أغلبهم ما يستحقوا منك كان أنترنات وPC وللي عندو القدرة في الكتابة ويحب يعرض خدماتو أو يقبل مهمّات كفريلانس فما البلاتفورم التونسية writup إلي تسهّل عليه المهمّة هذي.
كيفاش نتعلّم الـ Digital Marketing ؟
عبد الكريم يقترح عليكم دروس وشهايد مجانية من موقع Hubspot. يكفي إنك تسجّل وتدخل للينك هذا تلقى برشا دروس مقسمين على 2 فئات كبار : الأولى تخص التخصّص في استعمال أدوات Hubspot والثانية فيها دروس حول Marketing, Sales, Web design, Web development, Service…
شنوما المهارات اللازمين؟
خلاف التمكّن من تقنيات الـ personal branding واتقان لغة، خدمة digital marketer تستحق زادا إنو الشخص يكون على علم بالجديد وآخر الأخبار والتراند، على ذاكا عبد الكريم يقترح عليكم تخصّصوا كل يوم ربيّع ساعة تقراو فيها مقال من المواقع هاذم :
وفي النهاية، ما تنساوش باللي أغلب خدمات SMC Tunisia مجانية، على ذاكا كان فما شكون مهتم بالمجال هذا ما يبخلش باش يتصّل بيهم وينضم للنادي !
