كنت حكيت في أكتوبر 2020 على سخرية شاومي وسامسونج من آبل كيف أعلنت على إنها باش تبيع الآيفون 12 بدون شاحن كهربائي، وفي النهاية المنافسين الاثنين قرّروا يتبعوا خطوة آبل.
وكنت حكيت في مقال هبط على صفحة Trust it على المنافسة الشرسة بين سامسونج وآبل وشكون باش يكون يتصدّر في المرتبة الأولى في مبيعات السمارت فون.
المنافسة مازالت مستمرّة، والمرة هذي، الفرع الأمريكي لـ سامسونج مازال ينتهج في نفس طريق الدعاية كيف بدا للترويج للحملة الدعائية الجديدة من خلال فيديوات تبيّن الفرق بين قوّة الكاميرا في Galaxy S21 Ultra وكاميرا iPhone 12 Pro Max.
الفيديو الأول، فيه تصويرة القمر من 2 هواتف، الأول يعمل zoom وياخو صورة لكن النتيجة مش واضحة، والثانية zoom x100 وتصويرة بكل التفاصيل للقمر تظهر على هاتف الـ Galaxy.
الفيديو الثاني، سامسونق حطت في التجربة الكاميرا 108Megapixels على سوندويتش برغل تشيز وبالطبيعة الصورة المأخوذة بالسامسونج فيها ألوان حية وأكثر تفاصيل من صورة الآيفون.
شنوة انجموا نستفادوا من الدعاية هذي؟
أهم حاجة لازم نتذكروا باللي هذي مجرّد دعايات إعلانية باش يبيعوا أكثر ونبعدوا على كل النقاشات العقيمة متاع سامسونج خير من آيفون أو أندرويد خير من iOS. كل واحد حر باش يختار حسب احتياجاتو الهاتف والنظام إلي يتماشى معاه.
السخرية من آبل سابقا ما أثرش سلبيا على مبيعات الآيفون 12 بالعكس، إلى حد اليوم هذا ثاني آيفون ناجح بعد الآيفون 6 ومازال يحقّق في إرادات مرضيّة.
الثقة مهمّة لكل براند تحب تخلّي الناس يحكيوْ عليها…
