مجال الحماية الرقمية هو واحد من المجالات إلي شهد تطوّر هام خاصة على مستوى نسبة الاستثمار في العام إلي فات 2020 وحتى السنة، وعلى خاطرو مجال مهم، هات نشوفو شنوة حكى حسني التونسي (المختص في الحماية الرقمية) إلي كان ضيف نور شتارة في حلقة لاكي تاك.
بداية، في حديثهم على الشكل الجديد للحرب، الضيف أكّد باللي كل الأنظمة الموجودة مهدّدة باش تتهاكا على ذاكا لازم نتبعوا ممارسات واعية في استعمالنا اليومي لنظام الحاسوب والأنترنات كيف التحديثات الدورية (المجعولة باش تصلّح الثغرات) للسيستام والبرامج، استعمال برامج حماية موثوقة، ما نحلوش أي إيمايل مشتبه فيه، نجتنبوا البرامج والألعاب إلي بالكراك أو برامج الهاكْ غير المعروفة…
كيفاش تولّي مختصّ في الحماية؟
أول حاجة ينصح بيها حسني هي تعلّم أساسيات البرمجة وخاصة البحث عن المعلومة في الأنترنات، وباش تنجم اطبّق وما تبقاش في النظري، عطى 2 بلاتفورم :
والمشاركة في المسابقات العالمية كيف CTF: Capture The Flag وهنا نخليلكم رابط تلقاو فيه أكثر معلومات، مصادر تعلّم مجانية والأدوات إلي باش تستعملوهم.
شنوما أحسن الشهايد باش تقوّي سيرتك الذاتية كمختص في الحماية الرقمية؟
بالنسبة للضيف، أهم شهادة هي خبرتك، مهاراتك وتفكيرك كهاكر (هاكر أبيض باش يفيق بالثغرات مش يستغلهم للابتزاز) وكان باش تاخو شهادة، راهو لتأكيد مهاراتك. ومن بين الشهايد المقترحين:
Cisco Certified Internetwork Expert (CCIE)
Offensive Security Certified Professional (OSCP)
كذلك، باش تبقى ديما على علم بأحدث تقنيات الهاكينج، حسني يقترح عليكم اتبعوا المؤتمرات العالمية إلّي تصير كيف
ويختم باللي الغرام حاجة مهمّة في المجال يتطلّب الانفتاح على برشا اختصاصات كيف الحماية الرقمية.
