بعد ما فشلت المفاوضات حول عملية شراء Discord من قبل Microsoft، المدير التنفيذي لـ Sony Interactive Entertainment يعلن إنو ديسكورد شريك جديد ليهم بداية 2022.

كيف ما تعرفو ديسكورد على أول ما تصنع كان موجّه لللاعبين باش يحكيو مع بعضهم كي يلعبوا ويستريميوْ الطرح، وبعد أزمة الكوفيد تشهر برشا ووصل لأكثر من 140 مليون شخص ناشط شهريا الشي إلّي خلّى شركات تتنافس باش تشري التقنيات متاعو أو تعمل معاه شراكات وهذا إلي صار مع Sony.

Sony بعد ما ساهمت في fundraising لديسكورد وإلّي وصلت اليوم لأكثر من 100 مليون دولار، أعلنت باللي باش يدمجوا تقنيات ديسكورد في الـ PlayStation بداية من 2022 باش يقربوا اللاعبين لبعضهم أكثر ويمنحوهم تجربة لعب جديدة. وقالت للاعبينها باش يبقاو متيقظين خاطر التحديثات الجديدة باش تكون على قريب. 

ما فماش تاريخ محدّد، وما قالوش البلاي 4 هي زادا معنية بالتحديث وإلا لا… لكن الخطوة هذي تأكّد أكثر وإنو مجال ألعاب الفيديو قاعد يكبر فيسع.