نرجعو نحكيوْ Gaming مع ضيف نور شتارة في برنامج Lucky tech مؤسس Herodot studio يوسف بوفايد.

Herodot studio هو أستوديو ألعاب فيديو تونسي الهدف متاعو التركيز على الإرث التاريخي وربط اللاعبين بتاريخ بلادهم من خلال ألعاب تحكي مثلا على قرطاج وروما… وموجّهة للسوق المحلية والعالمية. إلي يميّز الألعاب هاذم وإنهم بفضل الواقع المعزّز اللعبة تغطس باللاعبين في الشخصيات التاريخية ويخليوهم يعيشوا معاهم أهم الأحداث إلي تعدّاو بيها.

فما مثلا لعبة Bygone إلي باش تخرج على قريب، وإلي يحب عليها أكثر تفاصيل :

Official website

كيفاش ندخلو لعالم الـ Gaming؟ هنا يوسف جاوب باللي المجال هذا يلمّ برشا خدم كيف :

• Game developer إلي لازمو يعرف Unity وخاصة يتعلم unreal engine 
• Data scientist خاصة في الألعاب free to play باش يستغل الداتا، يحلّلها ويفهم سلوك اللاعبين باش ينجّم يقرّر كيفاش ووقتاش يقترح عليهم يشريو أكسيسوار.
• Digital painter الفنان إلي باش يخدم على الصور 2D/3D  ويضيف لهم الألوان من خلال برامج كيف Photoshop, Toon Boom, Illustrator, Animo, and/or Opus Creator
• Concept artist الفنان إلي باش يحوّل الفكرة لحكاية مصوّرة ويخلق الموندو الكل متاع اللعبة مالشخصيات لأبسط التفاصيل…
• UX designer ويكون عندو بروفيل يجمع بين التكنيك والأرتيستيك

من بين مصادر التعلّم إلي يقترحها عليكم باش تفهمو المجال هذا قناة يوتيوب Game Maker’s Toolkit.

من بين الكتب إلي يقترحها عليكم يوسف :