ما نعرفش أناهي توجع أكثر :

عايش في 2021 وما عندكش حتى Bitcoin؟ وإلا تكون مليونير بفضل البيتكوين أما ما تنجّمش تستغل ثروتك؟

حسب الصحيفة الأمريكية New York Times فما قرابة 20% من البيتكوين حاليا inaccessible بسبب نسيان كلمة سر المحفظة الرقمية.

واحد منهم مثلا Stefan Thomas مطور برمجيات عندو 7002 بيتكوين ضيّع الورقة المكتوب فيها كلمة السر، جرّب 8 من 10 محاولات الكلهم غالطين ومازالولو 2 محاولات قبل ما يخسر للأبد فلوسو إلي تو يوصلوا لل 220 مليون دولار.

المستثمر Gabriel Abed هو بيدو ضيع 800 بيتكوين سنين لتالي خاطر صاحبو فرمت الحاسوب إلي مسجّل فيه كلمة السر وغيرهم من الناس إلي كان بينها وبين الثراء شعرة !

هذيكا هي قواعد اللعبة، انتي الوحيد المسؤول على محفظتك وكلمة السر متاعك، ما تضيعهاش باش ما تخسرش برشا فلوس ويكتبوا عليك في وحده من أكبر الصحف العالمية