ما نتصورش فينا شكون ما تعرّضش للعنف أو التنمّر الرقمي على الأقل مرة في حياتو على مواقع التواصل الإجتماعي.
مثلا في فايسبوك، كيف تبلغ على منشور، فما ناس يتسماو Facebook content moderator توصلهم الإشعارات وهوما يحكموا إذا لازم يتفسخ وإلا لا. عددهم فات بعد الأزمة الصحية 15.000 ومن غير ما ندخلو في التفاصيل فما تشكيات من الظروف النفسية إلي ولاو يعيشوا فيها جرة خطورة المحتوى إلي يوصلهم.
لذا تم إعتماد الذكاء الإصطناعي، وإلي ماهوش ناجع برشا ومثلا نحكيلكم طرفة إنو تمّ حظر صفحة مدينة Bitche الفرنسية ونهارين لتالي اعتذرت إدارة فايسبوك على الخطأ ورجعتها.
حاجة أخرى عملها فايسبوك بعد قرار عزل حساب ترامب، هي تكوين لجنة عليا مستقلة متكونة من +40 مختص في حقوق الإنسان ومحامين… وعندها صلاحيات أقوى من إدارة فايسبوك.
لا علينا، خاطر محور حديثنا اليوم هو موبايل آب جديد ينجم يكون حل بديل للنقائص متاع حيتان الصوشل ميديا خاصة في ما يخص العنف والتنمر الرقمي.
Bodyguard يحميك من كل تعاليق الشتم، السخرية، التهديد، التحرش الجنسي، العنصرية، الهموفوبيا…
يكفي إنك تربط التطبيق بحسابك على Twitter, YouTube, Instagram et Twitch وتعدل
tolerance settings وتخلي الذكاء الاصطناعي يفسخ في وقت شبه وقتي أي تعليق يجيك ينجم يقلقك.
التطبيق مجاني، وفيه نسخة للعيلة يتم فيها إعلام الولي كان طفلو وصلتو حاجة خايبة وزادا فما نسخة للمؤسسات إلي هوما بدورهم هدف للكارهين، ومازال مش موجود في نسختو العربي.
The original article was posted on LinkedIn
