إلّي يقول The 27 club يقول Amy Winehouse, Robert Johnson, Brian Jones, Jimi Hendrix, Janis Joplin, Jim Morrison, Kurt Cobain…

وغيرهم من المغنّين إلي عملوا ضجة كبيرة في مجال الفن وخلاو غنايات لليوم نسمعوهم وغادرونا في عمر صغير، 27 سنة بالتحديد.

من شهرين لتالي، انتشر ألبوم « جديد » ليهم الشي إلي أربك الجماهير. نفس أسلوب الموسيقى، كلمات أغاني تمثل المغنين… لكن الصوت مختلف شوية.

الحكاية طلعت مشروع أشرفت عليه جمعية كندية Over the Bridge وبالذكاء الإصطناعي أنتجوا الألبوم. في مرحلة أولى تم الإستعانة ببرنامج Magenta التابع لقوقل باش يحلّل الأسلوب الفني لكل مغني، وفي مرحلة ثانية استعملوا برنامج آخر باش يكتب كلمات الأغاني وفي مرحلة ثالثة عطاو الغنايات لناس أصواتهم تشبّه لأصوات المغنيين الأصليين باش يأدّيوها.

الهدف من المشروع هذا هو إعانة أهل المجال الفني على الإهتمام بصحتهم العقلية والنفسية باش العالم ما يفقدهمش ويتحسّر عليهم…

نخليكم تسمعوا الألبوم هنا: losttapesofthe27club.com