برشا وسائل إعلام وصفوا التفّاحة بالتغوّل على الشركات الصغار وإلي هي طامعة في الزوز صوردي إلي يربحوهم. ياخي Apple (وحفاظا على سمعتها) خرجت بلاغ من نوفمبر قالت باللي هي ماعادش باش تاخو commission 30% وبداية من جانفي 2021، كي تستظهر انتي كمطوّر برامج أو شركة باللي مدخولك / راسمال الشركة أقل من مليون دولار يطيحو الكميشن ل 15%.

Google البارح طلعت بنفس القرار وباش تبدى اطبّق فيه بداية من جويلية 2021 مساندة منها للبزنس الصغار إلي يقاوموا في تداعيات الكوفيد.

وللتذكير، هامش الربح هذا يطبّق على كل عملية شراء من تطبيق وآبيك ڨايمز مع ناتفليكس، سبوتيفاي، تندر… ماكانش عاجبهم الحال ولليوم قضية آبيك ڨايمز وآبل مازالت قدام القضاء.