Microsoft أكّدت صحة خبر قرصنتها وسرقة بيانات +30000 شركة أمريكية تستعمل في Exchange.

القراصنة تابعين لمجموعة Hafnium مموّلين من الحكومة الصينية استغلّوا 4 ثغرات أمنية في برنامج البريد الإلكتروني Exchange التابع للعملاق الأمريكي مايكروسوفت. الشركات إلي تستعمل فيه على الكلاودْ محميين لكن إلي يستعملوا فيه على Microsoft الشخصية هوما المستهدفين وإلي تمت سرقة إيمايلاتهم ومعلوماتهم الشخصية.

خلاف هذا القراصنة أمنوا إمكانية رجوعهم للسرفور المضرور، على ذاكا مايكروسوفت ردّت عليهم بسرعة بـ باتش باش يسكّر ال 4 منافذ… لكن ما فماش تصليح للثغرات هاذم.

حسب الموقع المختص في الحماية الرقمية KrebsOnSecurity قال باللي تحركات القراصنة بدات من 6 جانفي (يوم الشغب الأمريكي) وتسارعت في آخر فيفري.

المتحدث بإسم Microsoft أكد باللي الحدث هذا ماعندو حتى علاقة بالقرصنة إلي استهدفت SolarWinds

لكن هات نذكركم بالي في 2017، 5 موظفين سابقين في مايكروسوفت صرحوا في ملف حصري ل رويترز باللي الشركة تعرّضت لسرقة قاعدة بيانات فيها الثغرات والمشاكل الأمنية متاع نظام Windows ، وكيف ياهو، مايكروسوفت تكتّمت على الموضوع لسنوات…