« Ceci n’est pas une montre »

تعقيبا على كاينوت آبل متاع البارح واهتمامهم الملحوظ في تطوير آبل ووتش6 والاهتمام بالصحّة، حبّيت نحكيلكم على منافستها : الشركة الفرانسوية Withings.

الساعة الذكية هذي، ورغم تصميمها « التقليدي » إلاّ إنها خذات جائزة مرموقة للابتكار في CES 2020

ScanWatch هي فيها مجسّات عديدة تنجّم اتّابع بيها نشاطك الرياضي والحيوي.

من بين الحاجات إلي تنجّم تعرفهم من خلال المنقالة هذي:

– تخطيط للقلب

– نسبة الأكسجين في الدم وبالتالي تنجّم تتوقّع مختلف الأمراض إلي تنجّم تصيبك وإلاّ المشاكل التنفسيّة

– معدّل دقات القلب

– تتبّع النوم وتحديد إضطراباتو

– والأهم، انقطاع التنفّس أثناء النوم apnée de sommeil

ويثينكس قاعدة تقدّم بالبحث الطبّي والتكنولوجي وعلى ذاكا المنتوج هذا أكثر من منقالة عادية لازم يتحكى عليه وقت إلّي يتجبد موضوع smartwatch !

Don’t forget the name « Scanwatch by Withings »