من بين ضيوف نور شتارة في برنامج Lucky Tech حضرت ولاء قاسمي، المديرة التنفيذية لستارت آب في الابتكار الاجتماعي.

WeCode Land هي بلاتفورم تونسية موجّة للناس إلي عمرهم بين 18 – 35 سنة (وحتى أصغر/ أكبر) وتقدّم تدريبات في كل ما يتعلق بالإقتصاد الرقمي.

من 2014 وي كود تخدم على تقديم تجربة تعلّم بديلة للتعليم الموجود في الجامعات في كل الولايات ولبرشا ناس. يعني التكوين باش يكون موجّه لسوق الشغل ومعاه تطبيق عملي مش « أقرى وأنسى »…

من بين الإختصاصات إلي تلقاوهم في وي كود : تطوير الواب، الذكاء الإصطناعي، الجرافيك ديزاين، الماركتينق، تطوير ألعاب الفيديو وهنا لازم تعرفو باللي وي كود شريك رسمي مع Unity وكي تقرى معاهم تنجم تاخو شهادة مُعترف بيها عالميا.

الشراكات ما وقفتش هنا، خاطر تلقاو في برنامج Digital Heroes بالشراكة مع ڨوڨل دروس في اختصاصات عديدة.

في اللقاء، حكات الضيفة على الفريلانس وعلى أهم المواقع :