VSCode has its own stories تخلّيك تشوف شويّة مالكود متاع ناس أخرين، وإلاّ إنتي تشارك الكود متاعك في ستوري. إلّي عملها ننصحكم إتبعوه عاليوتوب.

وللعلم، من بين الحاجات الضاربة علّخر عام السنة هي الستوريز إلّي بداها سناب شات، وماكم تعرفوا قدّاهش مارك ماخذ في خاطرو خاطر مانجّمش يشري سناب؟ عاد أنستاغرام نقّلوها عليهم، وتبنّاها فايسبوك، وبالطبيعة مادام واتس آب تابع فايسبوك تنجّم تبرتاجي ستورياتك عليه ديراكت مالأنستاغرام.

LinkedIn و Slack خلطوا مؤخّرا على الموجة هذي بعد يوتوب (لازم يكون عندك +1000 مشترك).

Fleets هي التربيجة متاع الستوري على Twitter

Story Pins هي الفورما متاع الستوريز على Pinterest

عالأندرويد/آيفون تنجّم تنستالي لابليكاسيون ڨوڨل وتاكتيفي Web Stories

وكان عندك سيت واب وتحب تزيد فيه الستوري، ماعليك كان تنستالي آب Holofy

يظهرلي Microsoft كهو مازالت ما زادتش الستوري.